• Հայերեն
  • Français
Ֆրանսիայում Հայաստանի Հանրապետության դեսպանություն
  • Դեսպանություն
    • Դեսպան
    • Տվյալներ. աշխատանքային ժամեր
    • Լուսանկարներ
  • Հայաստան
    • Ընդհանուր ակնարկ
    • Կառավարում
    • Պատմություն
    • Կրթություն Հայաստանում
    • Ներդրում Հայաստանում
  • Երկկողմ հարաբերություններ
  • Հյուպատոսական ծառայություն
    • Քաղաքացիություն
    • Հյուպատոսական ընդունելություն
    • Անվճար հյուպատոսական ծառայություններ
    • Վիզա (մուտքի արտոնագիր)
    • Անձնագիր
    • Պետական տուրքի դրույքաչափեր
  • Տեղեկատվություն
    • Մաքսային արտոնություններ մշտական բնակության վերադարձողների համար
    • Օգտակար հղումներ
    • Լուրեր
  • Հայ համայնք
    • Ֆրանսիա
    • Մոնակո
    • Հայաստան համահայկական հիմնադրամ
  • ՄՈՆԱԿՈ

«Պրո Արմենիա» հանդեսին նվիրված գիտաժողով՝ ի հիշատակ Ֆրանսիայում հայասիրական շարժման

03 նոյեմբերի, 2026

Նոյեմբերի 3-ին Ֆրանսիայի ազգային գրադարանի (BnF) Ռիշելյեի մասնաշենքում տեղի է ունեցել «Պրո Արմենիա» հանդեսին նվիրված գիտաժողով՝ ի հիշատակ Ֆրանսիայում հայասիրական շարժման (Mouvement arménophile en France)։

Միջոցառումը կազմակերպել էին Ֆրանսիայի ազգային գրադարանը, Հասարակական գիտությունների բարձրագույն դպրոցը (EHESS) և Բարձրագույն նորմալ դպրոցը (ENS)՝ Հայաստանում Ֆրանսիայի դեսպանության աջակցությամբ։

Գիտաժողովին բացման խոսքով հանդես են եկել Ֆրանսիայի ազգային գրադարանի նախագահ Ժիլ Պեկուն, Հայաստանում Ֆրանսիայի դեսպան Ֆլորիան Էսկյուդիեն և Ֆրանսիայում Հայաստանի դեսպան Արման Խաչատրյանը։

Իր խոսքում դեսպան Խաչատրյանը նախ շնորհակալություն է հայտնել կազմակերպիչներին, անդրադարձ է կատարել Ֆրանսիայում հայասիրական շարժման պատմությանը: Նա կարևորել է Ժան Ժորեսի, Ժորժ Կլեմանսոյի, Անատոլ Ֆրանսի, Ֆրանսիս դը Պրեսանսեի և ֆրանսիացի այլ մտավորականների դերակատարությունը, ինչպես նաև 1900 թվականին Փարիզում հիմնադրված «Pro Armenia» հանդեսի նշանակությունը՝ որպես հայ ժողովրդի իրավունքների պաշտպանության և ֆրանսիական հասարակական-քաղաքական շրջանակների համախմբման հարթակի։

Անդրադառնալով Հայաստան-Ֆրանսիա հարաբերությունների ներկա փուլին՝ դեսպանը հիշատակել է Ֆրանսիայի նախագահ Էմանուել Մակրոնի՝ այս տարվա մայիսին Հայաստան կատարած պետական այցը, որի ընթացքում ստորագրվել է երկու երկրների միջև ռազմավարական գործընկերության հռչակագիրը։ Պետական այցի շրջանակում Ֆրանսիայի ազգային գրադարանը փոխըմբռնման հուշագրեր է ստորագրել նաև Մատենադարանի և Եղիշե Չարենցի անվան գրականության և արվեստի թանգարանի հետ՝ շարունակելով Հայաստանի ազգային գրադարանի հետ 2025 թվականին հաստատված համագործակցությունը։

Գիտաժողովին հայկական կողմից մասնակցել են նաև Եղիշե Չարենցի անվան գրականության և արվեստի թանգարանի տնօրեն Սյուզաննա Խոջամիրյանը և Հայոց ցեղասպանության թանգարան-ինստիտուտի տնօրենի պաշտոնակատար Հրաչյա Թաշչյանը։

կիսվել:
ՀՀ ԱԳՆ
պաշտոնական կայք
Երկքաղաքացիություն
Էլեկտրոնային վիզա
Արտոնագրի ձևեր

9-11 rue Bénouville, 75116, Paris, France
Tel: (33-1) 80 88 05 85,
Հյուպատոսական: (33-1) 80 88 05 84

Ֆրանսիայում Հայաստանի Հանրապետության դեսպանություն

© 2011-2026, Հեղինակային իրավունքները պաշտպանված են: