Դեսպան Խաչատրյանի հանդիպումը France Médias Monde մեդիախմբի նախագահ-գլխավոր տնօրենի հետ

28 մայիսի, 2026

Մայիսի 28-ին Ֆրանսիայում ՀՀ դեսպան Արման Խաչատրյանը հանդիպում է ունեցել France Médias Monde Ֆրանսիական մեդիախմբի նախագահ-գլխավոր տնօրեն Մարի-Քրիստին Սարագոսի հետ։

Քննարկման առանցքում էր RFI ռադիոկայանի հայալեզու լրատվական բաժնի գործունեությունը, որի աշխատանքների մեկնարկը տրվել է մայիսի 25-ին։ Ֆրանսիական մեդիախմբի նախագահը ներկայացրել է այդ նախագծի մանրամասները և հեռանկարները՝ նշելով, որ բաժնի առաջնային նպատակն է մատուցել փաստերի վրա հիմնված անկողմնակալ տեղեկատվություն։

Դեսպան Խաչատրյանը ողջունել է այդ նախաձեռնությունը և ներկայացրել ապատեղեկատվության դեմ պայքարին ուղղված Հայաստանի ջանքերը` բարձր գնահատելով այդ ուղղությամբ Ֆրանսիայի հետ համագործակցությունը։

Զրուցակիցներն անդրադարձել են նաև երկուստեք հետաքրքրություն ներկայացնող այլ հարցերի, քննարկել համատեղ համագործակցության հնարավորությունները։

Տեղեկություն․ France Médias Monde մեդիախմբի մաս են կազմում RFI (Radio France Internationale) ռադիոկայանը, France 24 հեռուստաալիքը, MCD (Monte Carlo Doualiya) ռադիոկայանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր