Դեսպան Խաչատրյանի հանդիպումը Ֆրանկոֆոնիայի միջազգային կազմակերպության ադմինիստրատոր Կարոլին Սենտ-Հիլերի հետ

11 մայիսի, 2026

Մայիսի 11-ին Ֆրանսիայում ՀՀ դեսպան, Ֆրանկոֆոնիայի մշտական խորհրդում ՀՀ վարչապետի անձնական ներկայացուցիչ Արման Խաչատրյանը հանդիպել է Ֆրանկոֆոնիայի միջազգային կազմակերպության ադմինիստրատոր Կարոլին Սենտ-Հիլերի հետ։

Զրուցակիցներն անդրադարձել են ՖՄԿ շրջանակներում համագործակցության օրակարգային հարցերին, ինչպես նաև քննարկել ընթացիկ և առաջիկա ծրագրերը։

Դեսպանը ներկայացրել է 2027թ. Հայաստանում կայանալիք Ֆրանկոֆոնիայի 10-րդ միջազգային մարզամշակութային խաղերի կազմակերպման նախապատրաստական աշխատանքների ընթացքը` վերահաստատելով Խաղերը Երևանում բարձր մակարդակով հյուրընկալելու Հայաստանի հանձնառությունը։

Դեսպան Խաչատրյանն անդրադարձել է օրերս Հայաստանում հյուրընկալած Եվրոպական քաղաքական համայնքի 8-րդ գագաթնաժողովի արդյունքներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր