Ֆրանսիայում Հայաստանի Հանրապետության դեսպանության նոր շենքի բացման հանդիսավոր արարողություն

28 ապրիլի, 2026

Ապրիլի 28-ին Փարիզում ՀՀ ԱԳ նախարար Արարատ Միրզոյանի և Ֆրանսիայի Եվրոպայի և արտաքին գործերի նախարար Ժան-Նոել Բարոյի մասնակցությամբ տեղի է ունեցել Ֆրանսիայում Հայաստանի Հանրապետության դեսպանության նոր շենքի բացման հանդիսավոր արարողությունը։

Նախարարներ Արարատ Միրզոյանը և Ժան-Նոել Բարոն կտրել են կարմիր ժապավենը, ՀՀ արտաքին գործերի նախարարը բարձրացրել է Հայաստանի դրոշը, որից հետո Ֆրանսիայի հանրապետական գվարդիայի երգչախմբի կատարմամբ հնչել են Հայաստանի և Ֆրանսիայի օրհներգերը։

Միջոցառմանը ողջույնի խոսքով հանդես է եկել Ֆրանսիայում ՀՀ դեսպան Արման Խաչատրյանը, ելույթներ են ունեցել Հայաստանի և Ֆրանսիայի ԱԳ նախարարները։

Միջոցառմանը մասնակցել են Ֆրանսիայի նախագահի աշխատակազմի և արտաքին քաղաքական գերատեսչության բարձրաստիճան պաշտոնյաներ, սենատորներ, Ազգային ժողովի պատգամավորներ, տեղական իշխանությունների ղեկավարներ, Ֆրանսիայի տարբեր քաղաքների քաղաքապետեր, Ֆրանկոֆոնիայի միջազգային կազմակերպության բարձրաստիճան ներկայացուցիչներ, Ֆրանսիայում հավատարմագրված օտարերկրյա դեսպաններ, առաջատար ֆրանսիական լրատվական գործակալությունների ղեկավարներ, մի շարք կազմակերպությունների և ասոցիացիաների ղեկավարներ, մշակութային, հանրային և կրթական գործիչներ, ինչպես նաև ֆրանսահայ համայնքի ներկայացուցիչներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր