Հանդիսավոր երթ դեպի Փարիզի Հաղթական կամար Ֆրանսիայում Հայոց ցեղասպանության զոհերի հիշատակի ոգեկոչման միջոցառումների շրջանակում

25 ապրիլի, 2026

Ապրիլի 25-ին, Ֆրանսիայում Հայոց ցեղասպանության զոհերի հիշատակի ոգեկոչման միջոցառումների շրջանակում, Ֆրանսիայի համար մարտնչած հայազգի ռազմիկների և դիմադրության շարժման անդամների միության (ANACRA) նախաձեռնությամբ տեղի է ունեցել հանդիսավոր երթ դեպի Փարիզի Հաղթական կամար։

Քայլերթին մասնակցել են Ֆրանսիայում ՀՀ դեսպան Արման Խաչատրյանը, Ֆրանսիայի հայոց թեմի առաջնորդ գերաշնորհ Տ. Գրիգոր եպիսկոպոս Խաչատրյանը, սենատորներ, խորհրդարանականներ, ինչպես նաև ռեգիոնների և դեպարտամենտների խորհուրդների, ֆրանսահայ և այլ համայնքային կազմակերպությունների ներկայացուցիչներ, փարիզամերձ քաղաքների քաղաքապետեր, ֆրանսահայեր ու ֆրանսիացիներ։

Միջոցառումը շարունակվել է Ֆրանսիայում ՀՀ դեսպան Արման Խաչատրյանի, ինչպես նաև Ֆրանսիայի տարբեր պետական հաստատությունների, պաշտոնյաների և հասարակական կազմակերպությունների անունից Հաղթական կամարի ներքո ծաղկեպսակների զետեղման հանդիսավոր արարողությամբ։

Այնուհետև հնչել են Հայաստանի և Ֆրանսիայի օրհներգերը, որոնց հաջորդել է դեսպան Խաչատրյանի կողմից Անհայտ զինվորի շիրիմի հավերժական կրակի թեժացման արարողությունը` ի հիշատակ Հայոց ցեղասպանության անմեղ զոհերի:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր