ՀՀ ԱԳ նախարարի տեղակալն ընդունել է Ֆրանսիա-Հայաստան բարեկամության խմբի նախագահի գլխավորած պատվիրակության

23 ապր, 2026

Ապրիլի 22-ին ՀՀ ԱԳ նախարարի տեղակալ Մնացական Սաֆարյանն ընդունել է Ֆրանսիայի Սենատի Ֆրանսիա-Հայաստան բարեկամության խմբի նախագահ Ժիլբեր-Լյուկ Դեվինազի գլխավորած պատվիրակությանը, որի կազմում էին նաև Ֆրանսիայի Սենատի երկու փոխնախագահներ:

Նախարարի տեղակալը բարձր է գնահատել Ֆրանսիայի և Հայաստանի խորհրդարանների միջև հարաբերությունների կարևոր դերը երկու երկրների միջև միջպետական հարաբերությունների ամրապնդման գործում՝ միաժամանակ երախտագիտություն հայտնելով Սենատի Ֆրանսիա-Հայաստան բարեկամական խմբի կողմից Հայաստանին ցուցաբերված հետևողական աջակցության համար:

Զրուցակիցները քննարկել են Հայաստան-Ֆրանսիա երկկողմ օրակարգի հարցերի լայն շրջանակ: Նախարարի տեղակալ Մնացական Սաֆարյանն ընդգծել է Ֆրանսիայի նախագահ Էմանուել Մակրոնի՝ Հայաստան պետական այցի կարևորությունը՝ որպես կարևոր հանգրվան՝ երկու երկրների միջև ձևավորված հարաբերությունների ռազմավարական բնույթը փաստաթղթային հիմքով ամրագրելու տեսանկյունից:

Մնացական Սաֆարյանը պատասխանել է ֆրանսիացի սենատորների կողմից տարածաշրջանային զարգացումներին և Հայաստանի որդեգրած միջազգային օրակարգի վերաբերող հարցերի:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր