Հանդիպում-քննարկում Ֆրանսիայում ՀՀ դեսպանի և ՅՈՒՆԵՍԿՕ-ում ՀՀ մշտական ներկայացուցչի մասնակցությամբ

02 ապրիլի, 2026

Ապրիլի 2-ին Հայկական բարեգործական ընդհանուր միություն-Ֆրանսիայի (ՀԲԸՄ, UGAB France) նախաձեռնությամբ ՀԲԸՄ՝ Փարիզում գործող մշակութային կենտրոնում տեղի է ունեցել հանդիպում-քննարկում Ֆրանսիայում ՀՀ դեսպան Արման Խաչատրյանի և ՅՈՒՆԵՍԿՕ-ում ՀՀ մշտական ներկայացուցիչ Արամ Հակոբյանի մասնակցությամբ։

Միջոցառմանը մասնակցել են AGBU Europe նախագահ Կամիլո Ազուզը, UGAB France-ի նախագահ Նադիա Գործունյանը և գործադիր տնօրեն Անուշ Ձագոյանը, ինչպես նաև ֆրանսահայ համայնքի ներկայացուցիչներ, երիտասարդներ և ուսանողներ։

Քննարկման հիմնական թեմաններն են եղել Հայաստանի արտաքին քաղաքականությունը, միջազգային և տարածաշրջանային զարգացումները, ՀՀ դերը բազմակողմ հարթակներում, Հայաստան-Սփյուռք հարաբերությունները և մշակութային դիվանագիտությունը։

Դեսպան Խաչատրյանը ներկայացրել է Հայաստանի և Ֆրանսիայի միջև պատմականորեն ձևավորված բարեկամական հարաբերությունները և ռազմավարական նշանակություն ունեցող ուղղություններով երկրների միջև համագործակցությունը։ Խոսել է նաև Հայաստանի և Ադրբեջանի միջև կարգավորման գործընթացից և խաղաղության հետագա ինստիցիոնալացման կարևորությունից։

Մշտական ներկայացուցիչ Արամ Հակոբյանը խոսել է ՅՈՒՆԵՍԿՕ-ի շրջանակներում Հայաստանի առաջնայնությունների, միջազգային կառույցների հետ աշխատանքի առանձնահատկությունների մասին՝ ընդգծելով մշակութային դիվանագիտության կարևոր դերը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր