ՀՀ դեսպանի մասնակցությունը Սուրբ Խաչ հայ կաթողիկէ եկեղեցու Աստվածածնի մատուռի բացմանը նվիրված արարողությանը

11 մարտի, 2026

Մարտի 11-ին Ֆրանսիայում ՀՀ դեսպան Արման Խաչատրյանը մասնակցել է Փարիզի Սուրբ Խաչ հայ կաթողիկէ եկեղեցու Սուրբ Աստվածածնի մատուռի բացմանը նվիրված հանդիսավոր արարողությանը։

Մատուռի վերականգնման աշխատանքրներն իրականացվել են Փարիզի քաղաքապետարանի կողմից՝ Փարիզի պաշտամունքային շենքերի վերականգնման ծրագրի շրջանակներում և բարերարների աջակցությամբ։

Բացման խոսքով հանդես է եկել Հայ կաթողիկե եկեղեցու Ֆրանսիայի թեմի առաջնորդ Գերապայծառ Եղյա եպիսկոպոս Եղիայանը: Միջոցառմանը ներկա էր և ելույթով հանդես է եկել Փարիզի քաղաքապետ Անն Իդալգոն։ Ելույթներ են ունեցել նաև Փարիզի Կենտրոնի վարչական շրջանի ղեկավար Արիել Վեյլը և բարերար Արա Ահարոնյանը։

Միջոցառման շրջանակներում կազմակերպված համերգին հնչել են հայկական ժողովրդական երաժշտության ստեղծագործություններից։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր