Դեսպան Արման Խաչատրյանի հանդիպումը Հայաստանի տեղական ինքնակառավարման մարմինների, ինչպես նաև Ֆրանսիայի Եվրոպայի և արտաքին գործերի նախարարության ու Հայաստանի և Ժնևի ՄԱԿ Զարգացման ծրագրի գրասենյակների ներկայացուցիչների հետ

29 սեպտեմբերի, 2025

Սեպտեմբերի 29-ին Ֆրանսիայում ՀՀ դեսպան Արման Խաչատրյանն ընդունել է Հայաստանի տեղական ինքնակառավարման մարմինների՝ Արարատի մարզի, Մասիս, Վեդի, Արմավիր և Արտաշատ քաղաքների, ինչպես նաև Ֆրանսիայի Եվրոպայի և արտաքին գործերի նախարարության ու Հայաստանի և Ժնևի ՄԱԿ Զարգացման ծրագրի գրասենյակների ներկայացուցիչներին։

ՀՀ ՏԻՄ ներկայացուցիչների՝ Ֆրանսիա այցն իրականացվում է Հայաստան-Ֆրանսիա ապակենտրոնացված համագործակցության շրջանակում, Ֆրանսիայի Եվրոպայի և արտաքին գործերի նախարարության ու Ժնևի ՄԱԿ Զարգացման ծրագրի գրասենյակի կողմից ֆինանսավորվող, Լեռնային Ղարաբաղից բռնի տեղահանվածների կարիքների հասցեագրմանն ուղղված ծրագրի համատեքստում։

Այցի ընթացքում ՀՀ ՏԻՄ ներկայացուցիչները լինելու են փարիզամերձ Կլամար, Սարսել, ինչպես նաև Լիոն, Մարսել ու Էքս-ան-Պրովանս քաղաքներում, որտեղ կհանդիպեն ինչպես քաղաքային, այնպես էլ՝ նախանշվող ծրագրերի իրականացմանը նպաստող ֆրանսիական դերակատար կառույցների ու կազմակերպությունների ներկայացուցիչների հետ։

Հանդիպմանը դեսպան Խաչատրյանը ներկայացրել է Հայաստան-Ֆրանսիա ռազմավարական բնույթ կրող համագործակցությունն ու դրա ընդլայնման հնարավորությունները, այդ թվում՝ ապակենտրոնացված համագործակցության շրջանակում ծրագրերի իրականացմանն ուղղված առկա ներուժն ու հնարավորությունները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր