ՀՀ դեսպանը մասնակցել է ֆրանսահայ կինոբեմադրիչ Ալեքսիս Փազումյանի «Սև այգին» վավերագրական ֆիլմի ցուցադրություն-քննարկմանը

14 ապրիլի, 2025

Ապրիլի 9-ին Ֆրանսիայում ՀՀ դեսպան Արման Խաչատրյանը Ֆրանսիայի Ազգային ժողովում մասնակցել է ֆրանսահայ կինոբեմադրիչ Ալեքսիս Փազումյանի «Սև այգին» վավերագրական ֆիլմի՝ Ֆրանսիա-Հայաստան բարեկամության խմբի փոխնախագահ էմանուել Մանդոնի նախաձեռնությամբ կազմակերպված ցուցադրություն-քննարկմանը:

Միջոցառման բացման խոսքերով են հանդես եկել Ֆրանսիայում Հայաստանի դեսպան Արման Խաչատրյանը, Ֆրանսիայի ԱԺ արտաքին հարաբերությունների հանձնաժողովի նախագահ Բրունո Ֆուքսը, ԱԺ Ֆրանսիա-Հայաստան բարեկամության խմբի փոխնախագահ էմանուել Մանդոնը:

Երեկոյին ներկա էին Ֆրանսիայի Ազգային ժողովի պատգամավորներ ու Սենատի անդամներ, հասարակական և մշակութային գործիչներ, հայ համայնքի ներկայացուցիչներ, այլ հյուրեր:

Ծանոթություն․ Ֆիլմը, որի առանցքում Լեռնային Ղարաբաղի Թալիշ գյուղից երեք տարբեր սերունդներ ներկայացնող հերոսների կյանքն է, մարդկային պատմության միջոցով, գրեթե առանց խոսքերի, ներկայացնում է հակամարտության և պատերազմների ամբողջ ողբերգությունը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր