ՀՀ դեսպանը հյուրընկալել է «Միջազգային հարաբերությունների և աշխարհաքաղաքականության ինստիտուտ» կազմակերպությանն անդամակցող մի խումբ ուսանողների

08 ապրիլի, 2025

Ապրիլի 8-ին Ֆրանսիայում ՀՀ դեսպան Արման Խաչատրյանը դեսպանությունում հյուրընկալել է «Միջազգային հարաբերությունների և աշխարհաքաղաքականության ինստիտուտ» կազմակերպությանն անդամակցող մի խումբ ուսանողների՝ կազմակերպության հիմնադիր, Փարիզի քաղաքական գիտությունների համալսարանի դասախոս Կևան Գաֆաիթի գլխավորությամբ։

Ողջունելով հյուրերին և կարևորելով ապագա միջազգայնագետների և քաղաքագետների կողմից Հայաստանի շուրջ կատարվող զարգացումների վերաբերյալ համապարփակ պատկերացում կազմելու կարևորությունը՝ Հայաստանի դեսպանը գլոբալ և տարածաշրջանային աշխարհաքաղաքականության համատեքստում ներկայացրել է Հարավային Կովկասում տեղի ունեցող գործընթացները և կայունությանն ու խաղաղությանը միտված Հայաստանի կառավարության կողմից գործադրվող ջանքերը։ Դեսպան Խաչատրյանը խոսել է նաև Հայաստանի և Ֆրանսիայի միջև առաձնահատուկ հարաբերություններից ու ռազմավարական կարևորության ուղղություններով շարունակաբար զարգացող երկկողմ և բազմակողմ համագործակցությունից։

Հանդիպման ընթացքում Հայաստանի դեսպանը պատասխանել է նաև ուսանողներին հետաքրքրող հարցերի՝ անդրադառնալով նաև մի շարք այլ ուղղություններով Հայաստանի արտաքին քաղաքական առաջնահերություններին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր