ՀՀ դեսպանը ներկա գտնվեց «Հայոց ցեղասպանությունը Օսմանյան կայսրությունում» խորագրով ցուցահանդեսի բացման արարողությանը

02 ապրիլի, 2025

Ապրիլի 1-ին Ֆրանսիայում Հայաստանի դեսպան Արման Խաչատրյանը ներկա գտնվեց Փարիզի Շոայի հուշահամալիր-թանգարանի նախաձեռնությամբ կազմակերպված «Հայոց ցեղասպանությունը Օսմանյան կայսրությունում» խորագրով բացօթյա ցուցահանդեսի բացման արարողությանը։

Հոլոքոստի պատմությունն ուսումնասիրող Եվրոպայի խոշորագույն կենտրոններից մեկում կազմակերպված այս միջոցառմանը ներկա էին Շոայի հուշահամալիրի տնօրեն Ժակ Ֆրեջը, ցուցահանդեսի համադրող, ֆրանսահայ անվանի պատմաբան Կլեր Մուրադյանը, Ֆրանսիայի հայկական ասոցիացիաների ներկայացուցիչներ և բազմաթիվ հյուրեր։

Հայոց ցեղասպանության ոգեկոչման 110-ամյակի կապակցությամբ կազմակերպված և արխիվային նյութերի հիման վրա պատմական իրադարձությունները ներկայացնող այս ցուցահանդեսը այցելուների համար բաց կլինի վեց ամիս շարունակ, որից հետո կշրջագայի ողջ Ֆրանսիայում։

Այցելության ընթացքում դեսպան Խաչատրյանը ծանոթացավ ինչպես Հայոց ցեղասպանությանը նվիրված ցուցադրությանը, այնպես էլ Հուշահամալիրի՝ Շոային նվիրված հիմնական ցուցադրությանը։ Այցելության ավարտին դեսպանը գրառում կատարեց Հուշահամալիրի պատվավոր հյուրերի Ոսկե գրքում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր