Ֆրանսիայում ՀՀ դեսպանն այցելել է «Wine Paris» գինիների ու ալկոհոլային խմիչքների միջազգային ամենամյա ցուցահանդես

13 փետրվարի, 2025

Փետրվարի 12-ին Ֆրանսիայում ՀՀ դեսպան Արման Խաչատրյանն այցելել է «Wine Paris» գինիների ու ալկոհոլային խմիչքների միջազգային ամենամյա ցուցահանդես, որին վերջինիս գոյության ընթացքում առաջին անգամ Հայաստանի խաղողագործության և գինեգործության հիմնադրամի աջակցությամբ և «ARMENIA» մեկ միասնական տաղավարով մասնակցում էին նաև Հայաստանից 21 գինեգործական ընկերություններ։

Դեսպան Խաչատրյանը շրջել է հայկական տաղավարում և ծանոթացել հայկական ընկերությունների՝ ցուցահանդեսին ներկայացված արտադրատեսակներին։ Ընկերությունների ներկայացուցիչների հետ քննարկվել են հայկական արտադրանքը ֆրանսիական շուկա արտահանելու հեռանկարներին առնչվող հարցեր։

«Wine Paris» գինիների ու ալկոհոլային խմիչքների միջազգային ամենամյա ցուցահանդեսն գինեգործության ոլորտում միջազգային ամենահեղինակավոր միջոցառումներից մեկն է: Փետրվարի 10-ից 12-ը տեղի է ունեցել այս ցուցահանդեսի արդեն 6-րդ թողարկումը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր