Ֆրանսիայում ՀՀ դեսպանն այցելել է «VivaTech-2024» միջազգային ցուցահանդես

24 մայիսի, 2024

Մայիսի 24-ին Ֆրանսիայում ՀՀ դեսպան Հասմիկ Տոլմաջյանն այցելել է Փարիզում մեկնարկած Եվրոպայի ամենախոշոր տեխնոլոգիական միջոցառումներից մեկին՝ «VivaTech-2024» 8-րդ ամենամյա միջազգային ցուցահանդեսին ներկայացված «ARMENIA» միասնական տաղավար։

Ամենամյա հեղինակավոր միջազգային հարթակում ՀՀ բարձր տեխնոլոգիական արդյունաբերության նախարարության աջակցությամբ Հայաստանի տեխնոլոգիական ներուժն ու նվաճումներն արհեստական բանականության, կիբեռանվտանգության, ռոբոտաշինության, ֆինանսական և սպորտային տեխնոլոգիաների ոլորտներում այս տարի ներկայացնում են Առաջատար տեխնոլոգիաների ձեռնարկությունների միությունը, «Մետրիկ», «Իզիթեք», «Սոֆթ Կոնստրակտ», «Վիթուվի», «ՖայվԲրէյն Լաբս», «Հեքս Դիվիժն», «Դիջի Սոֆթ», «Նեքստստեք», «Ադեվից» ընկերություննները և որպես այցելու՝ «Ինորեյն»-ը, «Արփինետ»-ը և «Զլինկ» գիտակրթական ՀԿ-ն:

Դեսպան Տոլմաջյանը շրջել է հայկական տաղավարում, ծանոթացել հայկական ընկերությունների ձեռքբերումներին, նորարարություններին, ինչպես նաև՝ ցուցահանդեսին ներկայացված արտադրանքներին։ Ընկերությունների ներկայացուցիչների հետ քննարկվել են ոլորտի զարգացման և ֆրանսիական ընկերությունների հետ համագործակցություն հաստատելու հեռանկարներին առնչվող հարցեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր