Ֆրանսիայում ՀՀ դեսպան Հասմիկ Տոլմաջյանը հանդիպել է Ֆրանսիայի Ազգային կրթության և երիտասարդության հարցերով նախարար Գաբրիել Ատալին

22 նոյեմբերի, 2023

2023թ. նոյեմբերի 22-ին Ֆրանսիայում ՀՀ դեսպան Հասմիկ Տոլմաջյանը հանդիպել է Ֆրանսիայի Ազգային կրթության և երիտասարդության հարցերով նախարար Գաբրիել Ատալին: Հանդիպման ընթացքում անդրադարձ է կատարվել հանրակրթական ոլորտում համագործակցության ընդլայնմանը, Գ.Ատալի՝ առաջիկայում ծրագրվող Հայաստան այցին, ինչպես նաև հայ-ֆրանսիական երկկողմ օրակարգի ընդլայնմանը վերաբերող հարցերին։

Գ. Ատալը պատրաստակամություն է հայտնել Հայաստանի հետ նոր մակարդակի հասցնել կրթության, երիտասարդության, ֆրանկոֆոնիայի ոլորտներում համագործակցությունը, որի նպատակով մտադիր է հաստատել համագործակցություն հայկական ու ֆրանսիական մեծ թվով դպրոցների միջև:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր