Դեսպան Հասմիկ Տոլմաջյանը հյուրընկալվեց ֆրանսահայ գեղանկարչուհի Ասիլվային

12 հոկտեմբերի, 2021

Հոկտեմբերի 12-ին Ֆրանսիայում ՀՀ դեսպան Հասմիկ Տոլմաջյանը «Դանիել Հանեմյան» ցուցասրահում հյուրընկալվեց ֆրանսահայ գեղանկարչուհի, քանդակագործ, փորագրող Ասիլվային (Սիլվա Առաքելյան, ծնվել է 1937թ. Ստամբուլում, ապրում և ստեղծագործում է Փարիզում), ծանոթացավ նկարչուհու վերջին շրջանի ստեղծագործություններին։

Դեսպան Տոլմաջյանը շնորհակալություն հայտնեց Ասիլվային հայրենիքի հետ կապն արվեստի կամուրջներով ամուր պահելու համար, որի մասին են վկայում մայրաքաղաք Երևանի բազմաթիվ թանգարաններում՝ Հայաստանի ազգային պատկերասրահից սկսած մինչև Երևանի ժամանակակից արվեստի թանգարանում ցուցադրված ֆրանսահայ նկարչուհու ստեղծագործությունները։

Շնորհակալություն հայտնելով՝ նկարչուհի Ասիլվան տեղեկացրեց, որ 2022թ. ապրիլին հերթական ցուցահանդեսով հանդես է գալու Երևանում, որի հասույթը մտադիր է տրամադրել Արցախյան երկրորդ պատերազմում վիրավորված զինվորներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր