Կլամարում անցկացվեց Հայաստանին և Արցախին նվիրված փառատոն

02 հոկտեմբերի, 2021

Ս․թ․ հոկտեմբերի 2-ին Ֆրանսիայում ՀՀ դեսպանությունը մասնակցեց 2014 թվականից ի վեր Կլամարի քաղաքապետարանի կողմից կազմակերպվող՝ Հայաստանին և Արցախին նվիրված փառատոնին։
Փառատոնի բացմանը ելույթներով հանդես եկան Կլամարի փոխքաղաքապետներ Սերժ Քեհյայանը, Ժակլին Մինասյանը, Ֆրանսիայում ՀՀ դեսպանության երկրորդ քարտուղար Սուսաննա Ադամյանը, Ֆրանսիայում Արցախի ներկայացուցիչ Հովհաննես Գևորգյանը, փառատոնի հատուկ հրավիրյալ՝ ֆրանսահայ գրող, լրագրող Շառլ Վիլնյովը։

Տաղավարներում ներկայացված էին Արցախի դեմ պատերազմից տուժած ընտանիքներին, վիրավոր զինվորներին աջակցություն տրամադրող «Հայաստան» համահայկական հիմնադրամի ֆրանսիական մասնաճյուղի, «Ազնավուր» հիմնադրամի, «Santé Arménie», «Կապույտ խաչ» ֆրանսահայ կազմակերպությունների գործունեությունը։ Կազմակերպված էր նաև ֆրանսահայ հեղինակների ստեղծագործությունների, ժողովրդական արվեստի գործերի ցուցադրություն-վաճառք, ինչպես նաև հայկական խոհանոցի, գինիների համտես։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր