Առցանց դասախոսություն Երևանի պետական համալսարանի ուսանողների հետ

27 հուլիսի, 2020

Հուլիսի 27-ին Ֆրանսիայում ՀՀ դեսպան Հասմիկ Տոլմաջյանն առցանց դասախոսություն անցկացրեց Երևանի պետական համալսարանի Միջազգային հարաբերությունների ֆակուլտետի շուրջ երկու տասնյակ ուսանողների համար:

Դասախոսությունը կայացավ ՀՀ արտաքին գործերի նախարարության և Երևանի պետական համալսարանի համատեղ կազմակերպած՝ «Հայաստանի Հանրապետության հարաբերությունները համաշխարհային քաղաքականության խոշոր դերակատարների հետ» թեմայով հեռավար ամառային դպրոցի շրջանակներում։

ՀՀ դեսպանը անդրադարձավ հայ և ֆրանսիացի ժողովուրդների բազմադարյա հարաբերություններին, Հայաստանի և Ֆրանսիայի միջև դիվանագիտական հարաբերությունների հաստատումից ի վեր անցած 28 տարիների ընթացքում գրանցված ձեռքբերումներին։

Ներկայացվեց երկկողմ համագործակցության բոլոր ոլորտներում դինամիկ զարգացում ապրող փոխգործակցությունը։ Դեսպանը կարևորեց ֆրանսահայ համայնքի դերը երկկողմ հարաբերությունների խորացման գործում։ Անդրադարձ կատարվեց նաև Ֆրանսիայի դերակատարությանը՝ որպես ԵԱՀԿ Մինսկի խմբի համանախագահ երկիր։

Դասախոսության ավարտին դեսպան Տոլմաջյանը պատասխանեց ունկնդիրների բազմաթիվ հարցերին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր