Հայոց ցեղասպանության 102-րդ տարելիցին նվիրված միջոցառումներ Ֆրանսիայում

03 մայիսի, 2017

Ապրիլի 28-ին հիշատակի միջոցառում անցկացվեց Ֆրանսիայի Ռեն քաղաքում:

Ներկա էին և ելույթներով հանդես եկան Իլ է Վիլենի շրջանային խորհրդի փոխնախագահ Կլոդին Դավիդը, Ռենի Գերաշնորհ Սրբազան Հայրը, Ֆրանսիայում ՀՀ դեսպան Վիգեն Չիտեչյանը, համայնքային կառույցների ներկայացուցիչներ, ֆրանսահայեր:

Ապրիլի 30-ին Հայոց ցեղասպանության 102-րդ տարելիցին նվիրված հիշատակի միջոցառում անցկացվեց Փարիզի մերձակա Իսի լե Մուլինո քաղաքում: Ներկա էին և ելույթներով հանդես եկան Իսի լե Մուլինոյի քաղաքապետ, պատգամավոր Անդրե Սանտինին, Ֆրանսիայում ՀՀ դեսպան Վիգեն Չիտեչյանը, Իսի լե Մուլինոյի քաղաքային խորհրդի անդամներ, համայնքային կառույցների ներկայացուցիչներ, ֆրանսահայեր:

Մայիսի 3-ին Իսի լե Մուլինո քաղաքում տեղակայված Ֆրանսիայի փաստաբանների բարձրագույն դպրոցում տեղի ունեցավ հուշատախտակի բացման արարողություն` նվիրված 1915թ. Հայոց ցեղասպանության ժամանակ նահատակված փաստաբան, պատգամավոր, գրող, պրոֆեսոր Գրիգոր Զոհրաբի և հայազգի այլ փաստաբանների: Ելույթներով հանդես եկան Ֆրանսիայում ՀՀ դեսպան Վիգեն Չիտեչյանը, Օ-դը-Սեն խորհրդի նախագահ Պատրիկ Դեվեջյանը, Իսի լե Մուլինոյի քաղաքապետ, պատգամավոր Անդրե Սանտինին, Փարիզի Փաստաբանական Պալատի նախագահ Ֆրեդերիկ Սիկարը, Հայ փաստաբանների ֆրանսիական միության նախագահ Վիրջինի Դյուզեն : Ներկա էին նաև Մեդոնի քաղաքապետ, Սենատոր Էրվե Մարսեյը, Ֆրանսիայի Սենատում Ֆրանսիա-Հայաստան բարեկամական խմբի նախագահ Ֆիլիպ Կալտենբախը, համայնքային կառույցների ներկայացուցիչներ:

Ոգեկոչման բազմամարդ միջոցառումներ են տեղի ունեցել Ֆրանսիայի տարբեր քաղաքներում` Արնուվիլում, Շավիլում, Սարսելում, Պլեսի Ռոբինսոնում, Կլամարում, Բորդոյում, Դեսինում և այլ քաղաքներում՝ Ֆրանսիայի պետական և տեղական մարմինների և ՀՀ դիվանագետների մասնակցությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր