ՀՀ դեսպան Վիգեն Չիտեչյանի այցը Մոնակո

11 մայիսի, 2016

Հայաստան-Մոնակո երկկողմ կապերի ամրապնդման և խորացման շրջանակներում Մոնակոյում համատեղության կարգով ՀՀ դեսպան Վիգեն Չիտեչյանը մայիսի 9-11-ը աշխատանքային այցով գտնվեց իշխանապետությունում՝ ունենալով մի շարք բարձրաստիճան հանդիպումներ Մոնակոյի իշխանության բարձրաստիճան ներկայացուցիչների և տեղի հայ համայնքի հետ:

ՀՀ դեսպանը հանդիպումներ ունեցավ Մոնակոյի Ազգային խորհրդի նորընտիր նախագահ Քրիստոֆ Ստեյների և արտաքին հարաբերությունների հանձնաժողովի նախագահ Ժան-Շարլ Ալավենայի հետ: Դեսպան Չիտեչյանը շնորհավորեց Մոնակոյի խորհրդարանի ղեկավարին իր ընտրության կապակցությամբ: Այնուհետև զրուցակիցներն անդրադարձան երկու երկրների խորհրդարանների միջև հարաբերություններին՝ ընդգծելով նաև միջխորհրդարանական վեհաժողովներում երկու երկրների խորհրդարանական պատվիրակությունների համագործակցության կարևորությունը: ՀՀ դեսպանը նախագահ Ստեյներին ներկայացրեց ԼՂ հակամարտության հետ կապված վերջին զարգացումները և այդ կապակցությամբ Հայաստանի դիրքորոշումը:

Վիգեն Չիտեչյանն այցի շրջանակներում աշխատանքային հանդիպում ունեցավ Մոնակոյի Արտաքին հարաբերությունների և համագործակցության նախարար Ժիլ Տոնելիի հետ: Զրուցակիցները քննարկեցին երկկողմ հարաբերությունների ընթացքը և զարգացման հեռանկարները, ինչպես նաև երկրների հարաբերությունների խորացումը միջազգային հարթակներում:

Մոնակո կատարած այցի ընթացքում ՀՀ դեսպանը մի շարք հանդիպումներ ունեցավ իշխանապետության հայկական կառույցների հետ, ինչպես նաև տեղի հայ համայնքի հրավերով ներկա գտնվեց Մոնակոյում Հայոց ցեղասպանության հիշատակի գլխավոր արարողություններին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր