Լրացավ ՀԱԷԿ-ի վերագործարկման 20-ամյակը

10 նոյեմբերի, 2015

Լրացավ Հայաստանի ատոմային էլեկտրակայանի վերագործարկման 20-ամյակը։
Ինչպես հայտնի է, վեց ու կես տարվա ժամանակավոր դադարից հետո` 1995թ.
նոյեմբերի 5-ին, ՀԱԷԿ-ի երկրորդ էներգաբլոկը վերաթողարկվեց։ Այդ
ժամանակվանից սկսած էներգաբլոկը հաջողությամբ շահագործվում է։

Անցած 20 տարիների ընթացքում կայանի անվտանգության բարձրացման համար իրականացվել է շուրջ 1,5 հազար միջոցառում։

ՀԱԷԿ-ի երկրորդ էներգաբլոկի գործունեության ժամկետն առաջին անգամ
երկարացվեց 2006թ-ին։ 2013թ սեպտեմբերի 13-ին կառավարությունը որոշեց
տասնամյա ժամկետի ավարտից հետո այն երկարացնել ևս 10 տարով։

Նախատեսվում է ՀԱԷԿ-ի շահագործման ժամկետի երկարացման հերթական տասնամյա ծրագիրն իրականացնել երկու փուլով։ Առաջին փուլում կկատարվի
սարքավորումների և համակարգերի ուսումնասիրություն, երկրորդ փուլում՝
դրանց փոխարինում և արդիականացում։ Այդ ընթացքում կիրականացվեն
միջոցառումներ նաև կայանի անվտանգության բարձրացման ուղղությամբ։

Պլանավորված միջոցառումների արդյունքում ակնկալվում է ՀԱԷԿ-ի շահագործման ժամկետը երկարացնել մինչև 2017թ.։

Ծանոթագրություն. Ֆրանսիայում ՀՀ դեսպան Վիգեն Չիտեչյանը 1993-1995թթ.
զբաղեցնելով ՀՀ փոխվարչապետի պաշտոնը հանդիսացել է ՀԱԷԿ-ի վերաթողարկման աշխատանքների կոորդինատորը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր