Հայկական մշակույթի օր Ֆրանսիայի հայտնի ուխտատեղի Լիզյոյում

24 մայիսի, 2015

Մայիսի 24-ին Ֆրանսիայի քրիստոնյաների կարևորագույն ուխտատեղի Լիզյոյում՝ Ֆրանսիայում ՀՀ դեսպանության, Ֆրանսիայի հայ կաթողիկե եկեղեցու և Ֆրանսահայ կազմակերպությունների համակարգող խորհրդի նախաձեռնությամբ տեղի ունեցան հայկական մշակութային միջոցառումներ՝ Հայոց ցեղասպանության հարյուրերորդ տարելիցին նվիրված միջոցառումների ծրագրի շրջանակներում:

Հոգեգալստյան տոնի առիթով ողջ Ֆրանսիայից ժամանած հազարավոր հավատավորներով լեցուն Լիզյոյի Սբ. Թերեզա տաճարում Լիզյոյի եպիսկոպոս Ժան-Կլոդ Բուլանժեն մատուցեց Հայոց ցեղասպանության հարյուրերորդ տարելիցին նվիրված պատարագ` ֆրանսահայ կաթողիկե եկեղեցու հոգևոր հովիվ Հովհաննես եպիսկոպոս Թեյրուզյանի նախագահությամբ, Ֆրանսիայում ՀՀ դեսպան Վիգեն Չիտեչյանի, Սուրբ Աթոռի ներկայացուցիչ Ֆլորանս Մոտտի և տեղական իշխանությունների ներկայացուցիչների ներկայությամբ:

Պատարագին հաջորդեց հոգևոր համալիրի ցուցադրությունների սրահում "Խաչքարների արվեստը" ցուցահանդեսի բացման հանդիսավոր արարողությունը՝ դեսպան Չիտեչյանի և Լիզյոյի տաճարական համալիրի ռեկտոր Օլիվյե Ռուֆֆրեյի գլխավորությամբ: Ֆրանսահայ անվանի հայագետ-մշակութաբան Պատրիկ Դոնաբեդյանը հյուրերին ներկայացրեց ՅՈՒՆԵՍԿՕ-ի «Մարդկության ոչ նյութական մշակութային ժառանգության» ցանկում ներառված հայկական խաչքարագործության պատմությունը և յուրահատկությունները:

Նույն օրը երեկոյան տաճարական համալիրի կոնֆերանսների սրահում Պատրիկ Դոնաբեդյանի կողմից անցկացվեց Հայոց միջնադարյան մշակույթին և հայոց պատմությանը նվիրված կոնֆերանս։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր