Հայոց Ցեղասպանության զոհերի հիշատակի պատարագ Փարիզի Աստվածամոր տաճարում

26 ապրիլի, 2015

Ապրիլի 26-ին Փարիզի Աստվածամոր տաճարում (Notre-Dame de Paris) տեղի ունեցավ Հայոց ցեղասպանության զոհերի հիշատակին նվիրված հայկական ծիսակարգով սուրբ պատարագ Փարիզի Աստվածամոր տաճարում` Փարիզի արքեպիսկոպոս, կարդինալ Անդրե Վեն-Թրուայի մասնակցությամբ:

Փարիզի կարդինալի՝ Հայոց ցեղասպանության զոհերի հիշատակը ոգեկոչող խոսքից հետո մատուցվեց հայկական ծիսակարգով պատարագ Ֆրանսիայի Հայ Կաթողիկե Եկեղեցու հոգևոր հովիվ Հովհաննես եպիսկոպոս Թեյրուզյանի առաջնորդությամբ և Հայ Առաքելական Եկեղեցու Ֆրանսիայի թեմի առաջնորդ Վահան եպիսկոպոս Հովհաննեսյանի մասնակցությամբ:

Ֆրանսիայի Մայր տաճարի լեփ լեցուն սրահում կայացած արարողությանը ներկա էին Ֆրանսիայում Հայաստանի դեսպան Վիգեն Չիտեչյանը, Օ-դը-Սեն շրջանի խորհրդի նախագահ Պատրիկ Դեվեջյանը, Հայոց Ցեղասպանության հարյուրամյակի հանձնաժողովի (Mission 2015) նախագահող Ալեքսի Գովսյանը, Ֆրանսիայի հայկական հիմնադրամի նախագահ Պետրոս Թերզյանը, ֆրանսահայ երևելի անհատներ, Ֆրանսիայի քաղաքական, հասարակական, մշակութային և լրագրողական շրջանակների հարյուրավոր ներկայացուցիչներ, ինչպես նաև ֆրանսիացի և օտարերկրացի բազմաթիվ հավատավորներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր