Դեսպան Չիտեչյանի մասնակցությամբ Հայոց ցեղասպանության 100-րդ տարելիցին նվիրված արարողություններ Լե Լիլա և Սարսել քաղաքներում:

18 ապրիլի, 2015

Ապրիլի 18-ին Փարիզի մերձակա Լե Լիլա քաղաքում տեղի ունեցավ Հայոց ցեղասպանության հարյուրերորդ տարելիցին նվիրված արարողություն, որի ընթացքում հանդիսավոր արարողությամբ բացվեց «Հայոց ցեղասպանության նահատակների» հրապարակը:

Ֆրանսահայ ԱՆԻ կազմակերպության նախաձեռնությամբ տեղի ունեցած հրապարակի բացման արարողությունը գլխավորեցին Ֆրանսիայում ՀՀ դեսպան Վիգեն Չիտեչյանը և Լե Լիլայի քաղաքապետ Դանիել Գիրոն:

Նույն օրը Ֆրանսիայի Սարսել քաղաքում դեսպան Չիտեչյանի և քաղաքապետ, ԱԺ պատգամավոր Ֆրանսու Պուպոնիի գլխավորությամբ տեղի ունեցավ «Հայաստանի այգի» պուրակի հանդիսավոր բացման արարողությունը:

Արարողության ընթացքում Ֆրանսահայ Կապույտ Խաչի նախաձեռնությամբ պուրակում տնկվեց Հայոց ցեղասպանության զոհերի հիշատակի ծառ, ինչպես նաև բացվեց քանդակագործ Թորոս Ռաստկլանի հեղինակած Կոմիտաս վարդապետի կիսանդրին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր