«Հայաստանի Արծիվը» հուշարձանի բացում Ֆրանսիայի Օ-դը-Սեն նահանգում

11 ապրիլի, 2015

Ապրիլի 11-ին Ֆրանսիայի Օ-դը-Սեն նահանգի Սո պարտեզներում տեղի ունեցավ Հայոց ցեղասպանության հարյուրերորդ տարելիցին նվիրված արարողություն, որի ընթացքում հանդիսավորությամբ բացվեց քանդակագործ Թորոսի Ռաստկլանի հեղինակած «Հայաստանի Արծիվը» հուշարձանը:

Օ-դը-Սեն նահանգի խորհրդի նախագահ, Ֆրանսիայի ԱԺ պատգամավոր Պատրիկ Դեվեջյանի նախաձեռնությամբ կայացած միջոցառմանը ներկա գտնվեց և ելույթով հանդես եկավ Ֆրանսիայում ՀՀ դեսպան Վիգեն Չիտեչյանը:

Դեսպան Չիտեչյանն իր ելույթում շնորհակալություն հայտնեց Պատրիկ Դեվեջյանին՝ գեղեցիկ նախաձեռնության և քանդակագործ Թորոսին՝ իր հիասքանչ ստեղծագործության համար:

Անդրադառնալով տեղական իշխանությունների կողմից Հայաստանի բնակավայրերի հետ ապակենտրոնացված համագործակցությանը՝ ՀՀ դեսպանն իր գոհունակությունը հայտնեց Անտոնի քաղաքի և Դավթաշեն վարչական շրջանի միջև վերջերս պաշտոնականացված բարեկամական համագործակցության առնչությամբ:

«Հայոց ցեղասպանության 100-րդ տարելիցի նկատմամբ ցուցաբերած ուշադրությունը համամարդկային արժեքներին նվիրվածության վկայություն է», նշեց դեսպանը՝ դիմելով նահանգային և քաղաքային իշխանությունների ներկայացուցիչներին:

Միջոցառմանը մասնակցեցին Անտոնիի քաղաքապետ Ժան-Իվ Սենանը, Ֆրանսահայ կազմակերպությունների համակարգող խորհրդի համանախագահներ Մուրադ Փափազյանը և Արա Թորանյանը, Անտոնիի հայ-ֆրանսիական ակումբի ղեկավար Վիսամ Նեմեն, տեղական իշխանությունների և ֆրանսահայ կառույցների բազմաթիվ ներկայացուցիչներ, հարյուրավոր ներկաներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր