Դեսպան Չիտեչյանի աշխատանքային այցը Պրովանս-Ալպ-Կոտ դ’Ազյուր

18 փետրվարի, 2015

Փետրվարի 16-18-ը կայացավ Ֆրանսիայում ՀՀ դեսպան Վիգեն Չիտեչյանը աշխատանքային այցը Ֆրանսիայի Պրովանս-Ալպ-Կոտ դ’Ազյուր շրջան, որի ընթացքում նա հանդիպումներ ունեցավ տեղական եւ տարածքային կառավարման մարմինների տարբեր ղեկավարների հետ:

Բուշ-դյու-Ռոնի Գլխավոր խորհրդի կենտրոն Մարսելում ՀՀ դեսպանին հյուրընկալեց խորհրդի նախագահ, Ֆրանսիայի սենատի անդամ Ժան-Նոել Գերինին: Կողմերը քննարկեցին Բուշ-դյու-Ռոն շրջանի հետ համագործակցության ընթացքը, այդ շրջանակներում առանձնահատուկ ընդգծելով Մարսելում ՀՀ գլխավոր հյուպատոսության դերը:

Մարսելում դեսպանը հանդիպումներ ունեցավ նաև ֆրանսահայ կազմակերպությունների ներկայացուցիչների հետ: Մասնավորապես՝ Հայոց ցեղասպանության Հարյուրամյակի միջոցառումները համակարգող հանձնախմբի Ֆրանսիայի հարավի պատասխանատուների հետ հանդիպման ընթացքում քննարկվեցին գալիք ամիսներին ծրագրված միջոցառումների լավագույնս կազմակերպման և անցկացման հարցերը:

Այցի շրջանակներում դեսպան Չիտեչյանը այցելեց Վար նահանգի Բանդոլ քաղաք՝ հանդիպելով քաղաքապետ Ժան-Պոլ Ժոզեֆին: Քաղաքապետ Ժոզեֆի հետ հանդիպման ընթացքում ի թիվս այլ հարցերի քննարկվեցին նաև ծովափնյա քաղաքի՝ հայ-ֆրանսիական ապակենտրոնացված համագործակցության մեջ ներգրավման հեռանկարները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր