«Ցեղասպանությունից հարյուր տարի անց. ինչպիսի դասեր մարդկության համար» հանդիպում-քննարկում Փարիզում:

10 փետրվարի, 2015

Փետրվարի 10-ին Փարիզում տեղի ունեցավ «La Règle du jeu» և «Nouvelles d’Arménie» պարբերականների կողմից համատեղ կազմակերպված «Ցեղասպանությունից հարյուր տարի անց. ինչպիսի դասեր մարդկության համար» խորագրով հանդիպում-քննարկումը:

Քննարկմանը մասնակցեցին լրագրող-հրապարակախոս Ֆրանց-Օլիվյե Ժիսբերը, կինոռեժիսոր Ռոբեր Գեդիկյանը, երաժիշտ Անդրե Մանուկյանը, լրագրող Լոր Մարշանը և «Nouvelles d’Arménie» պարբերականի խմբագիր Արա Թորանյանը: «La Règle du jeu»-ի հիմնադիր Բերնար Անրի Լեվին, գտնվելով Իրաքի Քուրդիստանում, տեսաուղերձ հղեց ներկաներին: Մասնակիցները մտքեր փոխանակեցին Հայոց ցեղասպանության ժխտողականության դեմ պայքարի, Թուրքիայի ներկայիս իշխանությունների քայլերի և թուրք հասարակության մեջ զարգացումների վերաբերյալ: Քննարկումից հետո բանախոսները պատասխանեցին ներկաների բազմաթիվ հարցերին:

Միջոցառման պատվավոր հյուրն էր Ֆրանսիայում ՀՀ դեսպան Վիգեն Չիտեչյանը, որը քննարկման ավարտին իր խոսքն ուղղեց ներկաներին՝ ողջունելով նախաձեռնությունը և նշելով, որ Ֆրանսիայի և ֆրանսիացիների՝ Հայոց ցեղասպանության ճանաչման պայքարի առաջնագծում մշտապես լինելը գնահատելի է և միաժամանակ տրամաբանական, քանի որ մարդու իրավունքների հայրենիք Ֆրանսիան լավագույնս գիտակցում է կյանքի իրավունքի, գերակա արժեքը: Եզրափակելով իր խոսքը՝ ՀՀ դեսպանը հիշեցրեց ներկաներին, որ հենց այդ բարձրագույն արժեքին նվիրվածությունն է ընկած եղել Լեռնային Ղարաբաղում հայ ժողովրդի ինքնիշխան ապրելուն ուղղված պայքարի հիմքերում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր