Հայոց ցեղասպանության 100-ամյակին նվիրված միջոցառումների հանդիսավոր մեկնարկը Ֆրանսիայի Գրենոբլ քաղաքում

05 փետրվարի, 2015

Ս.թ. փետրվարի 5-ին Ֆրանսիայի Գրենոբլ քաղաքի քաղաքապետարանում քաղաքապետ Էրիկ Պիոլի, Ֆրանսիայում ՀՀ դեսպանորդի, Լինում ՀՀ գլխավոր հյուպատոսի կողմից Գրենոբլի և շրջակա մի շարք քաղաքների քաղաքապետերի, սենատորների, պատգամավորների, մշակութային և լրագրողական շրջանակների բազմաթիվ ներկայացուցիների, ինչպես նաև հարյուրավոր ֆրանսահայերի մասնակցությամբ տեղի ունեցավ Ֆրանսիայի Իզեր նահանգում Հայոց ցեղասպանության 100-ամյակին նվիրված միջոցառումների հանդիսավոր մեկնարկը:

Բացման խոսքով հանդես եկան Գրենոբլի քաղաքապետը, Իզեր նահանգի հայ համայնքային ընկերակցությունների համակարգողը և ՀՀ դեսպանորդը:

Միջոցառումը մեկնարկեց ՛՛1915-2015՛՛ տեսանյութի ցուցադրմամբ, այնուհետև Գրենոբլի հայ մշակույթի տան սաների կողմից ներկայացվեցին Հայոց ցեղասպանության վերապրած հայորդիների և ցեղասպանության ընթացքում օտարերկրյա ականատեսների կողմից հայ ազգի տառապանքները նկարագրող վկայությունների և պատմությունների բեմական ներկայացումը:

Հայ մշակույթի տան սաները հանդիսատեսին ներկայացրին ՛՛Քեզ համար Հայաստան՛՛ /Pour toi Arménie/ երգը, ինչպես նաև հայկական ժողովրդական երգեր, այնուհետև հանդիսավոր կերպով միջոցառումը եզրափակվեց ՀՀ և ՖՀ ազգային օրհներգերով:

Գրենոբլում և շրջակա քաղաքներում Հայոց ցեղասպանության 100-ամյակին նվիրված ծրագիրը ներառում է մոտ 40 բազմաբնույթ միջոցառումներ, որի ամբողջական ցանկը նաև զետեղված է Գրենոբլ քաղաքի պաշտոնական կայքէջի մշակութային բաժնում՝ http://culture.grenoble.fr/

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր