ՀՀ Անկախության տարեդարձին նվիրված ընդունելություն Լիոնում

09 հոկտեմբերի, 2014

Հոկտեմբերի 9-ին Լիոնում նորաբաց ՀՀ գլխավոր հյուպատոսությունում առաջին անգամ կազմակերպվեց ՀՀ Անկախության տարեդարձին նվիրված ընդունելություն: Այդ աննախադեպ առիթով Լիոնում ՀՀ գլխավոր հյուպատոս Նիկոլայ Սարկիսովի հետ միասին միջոցառմանը մասնակցեցին Ֆրանսիայում ՀՀ դեսպան Վիգեն Չիտեչյանը և Մարսելում ՀՀ գլխավոր հյուպատոս Վարդան Սիրմաքեշը:

Միջոցառմանը ներկա էին Ռոն-Ալպ տարածաշրջանի քաղաքապետեր, մարզային, շրջանային և համայնքային իշխանությունների ներկայացուցիչներ, Ֆրանսիայի խորհրդարանականներ, Լիոնում հավատարմագրված տարբեր երկրների գլխավոր հյուպատոսներ, ֆրանսահայ հոգևորականության ներկայացուցիչներ, քաղաքական, հասարակական և մշակութային հարյուրավոր գործիչներ, լրատվամիջոցների ներկայացուցիչներ։

Ընդունելության բացման ելույթով հանդես եկավ Լիոնում ՀՀ գլխավոր հյուպատոս Նիկոլայ Սարկիսովը: Այնուհետև տեղի ունեցավ դեսպան Չիտեչյանի և գլխավոր հյուպատոս Սարկիսովի կողմից մի շարք ՀՀ քաղաքացիների և ֆրանսահայ անհատներին Լիոնում ՀՀ գլխավոր հյուպատոսությանը ցուցաբերած աջակցության համար շնորհակալագրերի հանձնման արարողությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր