Հայաստանի պարարվեստի պետական «Բարեկամություն» համույթի հյուրախաղերը Ֆրանսիայի խոշոր քաղաքներում

05 հուլիսի, 2014

Հուլիսի 5-ին Մարսելի Համագումարների պալատում տեղի ունեցած համերգով ավարտվեցին Հայաստանի պարարվեստի պետական «Բարեկամություն» համույթի հյուրախաղերը Ֆրանսիայում։

Փարիզի, Լիոնի եւ Մարսելի անմենահեղինակավոր սրահներում կայացած համերգներով հայ երիտասարդները ֆրանսիացի հանդիսատեսին հիացրեցին իրենց բարձրարվեստ կատարումներով, նորարարական շնչով ու երաժշտական տպավորիչ ընտրանիով` Կոմիտասից մինչեւ Վիվալդի, Սայաթ-Նովայից` մինչեւ Մոցարտ, հայկական ժողովրդական մեղեդիներից մինչեւ Արամ Խաչատրյան։ Համերգներն ամենուրեք ավարտվում էին երկարատեւ հոտընկայս ծափահարություններով։

«Բարեկամություն» համույթի ֆրանսիական հյուրախաղերը կազմակերպվել էին ՀՀ մշակույթի նախարարության հովանավորությամբ, Ֆրանսահայ Երիտասարդական Միության ջանքերով եւ Փարիզում Հայաստանի դեսպանության աջակցությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր