Հայաստանը մասնակցեց Լիոնի «Հյուպատոսական տոնակատարություններ» միջոցառմանը

15 հունիսի, 2014

Հունիսի 13-15-ը Լիոնում ՀՀ գլխավոր հյուպատոսությունն առաջին անգամ մասնակցեց ամենամյա «Հյուպատոսական տոնակատարություններ» միջոցառմանը:

70-ից ավելի երկրների հյուպատոսությունների հետ մեկտեղ, 2014թ. Հայաստանը ներկայացնող տաղավարը հյուրընկալեց բազմաթիվ լիոնցիների, օտարերկրյա հյուպատոսների և զբոսաշրջիկների:

Հունիսի 13-ին «Հյուպատոսական տոնակատարությունների» բացման արարողության ելույթում Լիոնի քաղաքապետ-սենատոր Ժերար Կոլոմբը ողջունեց Լիոնում ՀՀ գլխավոր հյուպատոսության հիմնումը, այնուհետև այցելեց հայկական տաղավար:

Նույն օրը` երեկոյան, «Հյուպատոսական տոնակատարությունների» շրջանակներում ներկա դեսպանների և հյուպատոսների պատվին Լիոնի քաղաքապետի կողմից տրվեց ընթրիք Լիոնի քաղաքապետարանում, որին մասնակցեցին նաև Ֆրանսիայում ՀՀ դեսպան Վիգեն Չիտեչյանը և Լիոնում ՀՀ գլխավոր հյուպատոսության առաջին քարտուղար Վաներ Հարությունյանը:

Լիոնում ՀՀ գլխավոր հյուպատոսության և Լիոնի հայ համայնքի ներկայացուցիչների համատեղ ջանքերով կազմակերպված հայկական տաղավարում հունիսի 14-15-ը շարունակվեցին հայկական մշակույթի, զբոսարջության, գրականության, գրքերի, հայկական խորհրդանիշերի ներկայացումը:

Երեք օր տևած միջոցառման ընթացքում հայկական տաղավարում այցելուներին ներկայացվեց Հայաստանի և Արցախի բնապատկերներով և տեսարժան վայրերով լուսանկարչական ցուցահանդես: Լիոնի կենտրոնական Բելքուղ հրապարակում հայկական ժողովրդական պարերով ելույթ ունեցավ «Նաիրի» պարային համույթը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր