Ֆրանսիայում ՀՀ դեսպանի այցը Ռոն-Ալպ շրջան

26 փետրվարի, 2014

Փետրվարի 25-26-ը տեղի ունեցավ Ֆրանսիայում ՀՀ դեսպան Վիգեն Չիտեչյանի այցը Ռոն-Ալպ շրջան: Փետրվարի 25-ին ՀՀ դեսպան Վիգեն Չիտեչյանը և Լիոնում ՀՀ գլխավոր հյուպատոս Նիկոլայ Սարկիսովը հյուպատոսությունում հյուրընկալեցին Ֆրանսիայի հայկական կազմակերպությունների համակարգող խորհրդի տարածաշրջանային բյուրոյի անդամներին: Հանդիպման ընթացքում քննարկվեցին ՀՀ արտաքին քաղաքականությանն առնչվող, Ռոն-Ալպի հայկական կազմակերպությունների գործունեության և 2015թ. Հայոց ցեղասպանության հարյուրամյակի միջոցառումների կազմակերպչական հարցեր:

Նույն օրը դեսպան Չիտեչյանը, Լիոնում ՀՀ գլխավոր հյուպատոսի ուղեկցությամբ, հյուրընկալվեց Վալանսի քաղաքապետ Ալան Մորիսի կողմից: Վալանսի քաղաքապետարանի հանդիսությունների սրահում տեղի ունեցավ Վալանսի հայ համայնքի ականավոր ներկայացուցիչ Անրի Սիրանյանին ՀՀ Սփյուռքի նախարարության ոսկե մեդալով պարգևատրման արարողությունը: Ելույթներով հանդես եկան Վալանսի քաղաքապետը, դեսպանը, տեղական իշխանությունների ներկայացուցիչներ:

Փետրվարի 26-ին տեղի ունեցավ դեսպանի հանդիպումը Ռոն-Ալպի հայ առաքելական եկեղեցու ծխական խորհրդի ղեկավար կազմի հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր