Համերգ Փարիզում` Սումգայիթի զոհերի հիշատակին

23 փետրվարի, 2014

Փետրվարի 23-ին Փարիզի ամենահեղինակավոր մշակութային օջախներից մեկում` Քաղաքային Թատրոնում տեղի ունեցավ հայտնի դուդուկահար Լեւոն Մինասյանի եւ նրա քրոջ` երգչուհի Ռոզելին Մինասյանի համերգը, որոնց նվագակցում էին Հայաստանից հատուկ այդ առիթով ժամանած երաժիշտներ։ Երաժիշտները համերգը նվիրեցին Սումգայիթյան ջարդերի զոհերի հիշատակին:

Քաղաքային Թատրոնի լեփ-լեցուն սրահի հազարից ավելի ներկաները հոտնկայս, մեկ րոպե լռությամբ հարգեցին ադրբեջանական հրոսակների կողմից Սումգայիթում հայերի դեմ իրականացրած ոճրագործության զոհերի հիշատակը:

Համերգի ընթացքում հնչեցին Կոմիտասի ստեղծագործություններ և հայկական ժողովրդական երգեր: Ֆրանսիացի հանդիսատեսը հիացմունքով և մեծ խանդավառությամբ ընդունեց հայազգի երաժիշտների անզուգական կատարումները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր