Դեսպան Չիտեչյանը մասնակցեց Ֆրանսահայ կազմակերպությունների համակարգող խորհրդի հանդիսավոր ընթրիքին

29 հունվարի, 2014

Հունվարի 29-ին Փարիզում տեղի ունեցավ Ֆրանսահայ կազմակերպությունների համակարգող խորհրդի (CCAF) առաջին հանդիսավոր ընթրիքը, որին խորհրդի համանախագահների հրավերով ներկա գտնվեց Ֆրանսիայում ՀՀ դեսպան Վիգեն Չիտեչյանը:

Ավանդական դառնալու միտում ունեցող ընթրիքին մասնակցեցին մի շարք պատվավոր հյուրեր, այդ թվում՝ Ֆրանսիայի արդարադատության նախարար Քրիստիանն Տոբիրան, մեծն հայ շանսոնյե Շառլ Ազնավուրը, անվանի փիլիսոփա և հայասեր Բեռնար Անրի Լեվին, Փարիզի և շրջակայքի քաղաքային իշխանությունների ղեկավարներ, ֆրանսիացի պատգամավորներ, սենատորներ, հայկական ծագումով ֆրանսիացի երևելի անհատներ և ֆրանսահայ կազմակերպությունների ղեկավարներ:

Ֆրանսիայի արդարադատության նախարարն իր ելույթում նախ անդրադարձավ վաղ ժամանակներից մինչև մեր օրերը հայ ժողովրդի պատմության հիշարժան դրվագներին, այնուհետև ընգծեց հայ-ֆրանսիական բարեկամության պատմական կարևորությունը և դրանում հայկական ծագումով ֆրանսիացիների մեծ դերն ու առաքելությունը՝ արժանանալով ներկաների երկարատև հոտընկայս ծափահարություններին:

Միջոցառման ընթացքում CCAF համանախագահներ Արա Թորանյանը և Մուրադ Փափազյանը՝ Բերնար Անրի Լեվիին հանձնեցին «CCAF Արիության շքանշանը»: CCAF Հայոց Ցեղասպանության 100-ամյակի ազգային հանձնաժողովը նախագահող Ալեքսի Գովցյանը հյուրերին ներկայացրեց հիշատակի միջոցառումների 2014-2015 թվականների ծրագիրը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր