Ֆրանսիայի Էվրի քաղաքում հարգանքի տուրք մատուցվեց Միսաք Մանուշյանին:

18 նոյեմբերի, 2013

Նոյեմբերի 17-ին Էվրի քաղաքում տեղի ունեցավ հիշատակի միջոցառում նվիրված ֆրանսիական դիմադրության շարժման մարտիկ Միսաք Մանուշյանի և նրա համախոհ Ժոզեֆ Էպշտեյնի` նացիստական ուժերի կողմից ձերբակալման 70-րդ տարելիցին:

Էվրիի երկաթգծի կայարանի մերձակայքում Մանուշյանի ձերբակալման վայրում տեղի ունեցող միջոցառմանը ներկա գտնվեցին Ֆրանսիայում Հայաստանի դեսպանության ռազմական կցորդը, ֆրանսիացի բարձրաստիճան պաշտոնյաներ և քաղաքային իշխանությունների ներկայացուցիչներ, Ֆրանսահայ նախկին ռազմիկների միության բազմաթիվ անդամներ, ինչպես նաև Կիլիկիայի հայկական թագավորության արքայատոհմի ժառանգ Գի դը Լուզինյանը: Ելույթներով հանդես եկան Ֆրանսիայի նախկին ռազմիկների հարցերով լիազոր նախարար Կադեր Արիֆը և Էվրիի քաղաքապետ Ֆրանսիս Շուան:

Այնուհետև հիշատակի միջոցառման շուրջ երկու հարյուր մասնակիցները, ֆրանսահայ նախկին ռազմիկների գլխավորությամբ, քայլերթով ուղևորվեցին դեպի Մանուշյանի խմբի ձերբակալման «Կարմիր ազդագրի» հոշակոթող, որտեղ ընթերցվեցին Մանուշյանի և Էպշտեյնի վերջին խոսքերը և ծաղկեպսակներ զետեղվեցին միջոցառման մասնակիցների կողմից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր