Քաղաքապետ Տարոն Մարգարյանը մասնակցել է Ֆրանկաֆոն քաղաքապետերի միջազգային ասոցիացիայի համաժողովի աշխատանքներին

15 նոյեմբերի, 2013

Փարիզի քաղաքապետ, Ֆրանկաֆոն քաղաքապետերի միջազգային ասոցիացիայի (AIMF) նախագահ Բերտրան Դելանոեի հրավերով Փարիզում գտնվող Երևանի քաղաքապետ Տարոն Մարգարյանը մասնակցել է ասոցիացիայի 33-րդ գլխավոր համաժողովի բացման պաշտոնական արարողությանը: Համաժողովի աշխատանքներին մասնակցել են աշխարհի հիսուն երկրներից ժամանած ավելի քան հինգ հարյուր պատվիրակներ, ասոցիացիային անդամակցող քաղաքների քաղաքապետեր, տարածաշրջանային ղեկավարներ և պաշտոնատար այլ անձիք: Համաժողովի մասնակիցներին ողջունել է Ֆրանսիայի Հանրապետության նախագահ Ֆրանսուա Օլանդը:

Բացման հանդիսավոր արարողությանը ելույթ են ունեցել նաև Ֆրանկաֆոնիայի միջազգային կազմակերպության (OIF) գլխավոր քարտուղար Աբդու Դիուֆին և Փարիզի քաղաքապետ Բերտրան Դելանոեն: <<Ֆրանկաֆոն տեղական դերակատարները. նրանց գործողությունը՝ հօգուտ հասարակական և համերաշխ տնտեսության>> խորագրով համաժողովի քննարկումներն ընթանում են երեք՝ <<Խթանել սոցիալական և համերաշխ տնտեսությունը։ Տեղական իշխանությունների դերը>>, <<Աջակցություն բիզնեսի ստեղծման համար՝ ծառայություններ, ուսուցում, ֆինանսներ>> և<<Խթանել տարածքների համակարգումը և կայուն համագործակցության շրջանակները>> աշխատանքային խմբերում։

Համաժողովի շրջանակում Երևանի քաղաքապետ Տարոն Մարգարյանը աշխատանքային հանդիպումներ է ունեցել ասոցիացիայի անդամ մի շարք քաղաքների քաղաքապետերի և այլ պաշտոնյաների հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր