Առաջին աշխարհամարտի զինադադարի օրվա առթիվ Փարիզում հարգանքի տուրք մատուցվեց հանուն Ֆրանսիայի զոհված հայ մարտիկներին:

12 նոյեմբերի, 2013

Նոյեմբերի 11-ին, Առաջին աշխարհամարտի ընթացքում հանուն Ֆրանսիայի զոհված օտարերկրացի մարտիկների հիշատակին նվիրված միջոցառումների շրջանակներում Փարիզի քաղաքային իշխանությունների կողմից Պեռ Լաշեզ գերեզմանատանը հարգանքի տուրք մատուցվեց նաև հանուն Ֆրանսիայի զոհված հայ մարտիկներին:

Արարողությանը մասնակցեցին Ֆրանսիայում Հայաստանի դեսպանության ռազմական կցորդ Գարեգին Մարգարյանը, Ֆրանսիայի կրթական առաջադիմության լիազոր նախարար Ժորժ Պո-Լանժվենը, Փարիզի փոխքաղաքապետեր Կատրին Վյո-Շարիեն և Համու Բուակազը, Փարիզի 20-րդ վարչական շրջանի քաղաքապետ Ֆրեդերիկ Կալանդրան, Ֆրանսահայ նախկին ռազմիկների միության ղեկավար կազմը և հարգանքի տուրք մատուցելու եկած հարյուրավոր քաղաքացիներ:

Պատվո պահակի ներկայությամբ հնչեց Հայաստանի օրհներգը, այնուհետև ներկաները ծաղկեպսակներ զետեղեցին հանուն Ֆրանսիայի զոհված հայ մարտիկների հուշակոթողին` Հայաստանի, Ֆրանսիայի, Փարիզ քաղաքի և ֆրանսահայերի անունից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր