Եվրոպայի Խորհդրում Հայաստանի նախագահությանը նվիրված դասական համերգ Փարիզում

09 նոյեմբերի, 2013

Նոյեմբերի 8-ին Փարիզի Կորտո համերգասրահում տեղի ունեցավ Եվրոպայի Խորհրդում Հայաստանի նախագահությանը նվիրված դասական երաժշտության երեկո:

Երեկոյի ընթացքում երաժիշտներ Դավիթ Հարությունյանը, Լիզ Բերտոն և Միքայել Հախնազարյանը Հայաստանից ժամանած "Նաիրի" լարային քառյակի հետ միասին կատարեցին Շտրաուսի, Բրամսի և Մանսուրյանի ստեղծագործությունները:

Համերգի ավարտին, ընդառաջելով լեփ-լեցուն դահլիճի տևական հոտնկայս ծափահարություններին, երաժիշտները կատարեցին նաև Կոմիտասի "Ալ Այլուղս" հանճարեղ ստեղծագործությունը` ամբողջականացնելով ներկաների` համաշխարհային և հայկական դասականներից ստացած տպավորությունները:

Միջոցառումը, որը մեկ հարկի տակ էր միավորել ֆրանսիացի և հայ հարյուրավոր երաժշտասերների, նախաձեռնվել էր "Ֆրանսիայում Հայաստանի դեսպանության բարեկամներ" միության կողմից:

Համերգի հաջորդ օրը Ֆրանսիայում ՀՀ դեսպանատանը տաղանդաշատ երաժիշտներին ընդունեց դեսպան Վիգեն Չիտեչյանը` շնորհավորելով վերջիններիս տպավորիչ ելույթի կապակցությամբ և մաղթելով նորանոր ստեղծագործական բարձրունքներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր