Հայաստանը մասնակցում է Փարիզի Top Resa Զբոսաշրջության և ճանապարհորդության միջազգային մասնագիտական ցուցահանդեսին

25 սեպտեմբերի, 2013

Սեպտեմբերի 25-ին Փարիզում անցկացվող Top Resa Զբոսաշրջության և ճանապարհորդության միջազգային մասնագիտական ցուցահանդեսի (Salon professionnel du tourisme et des voyages) շրջանակներում, ուր Հայաստանը ներկայացնում են մոտ մեկ տասնյակ տուրիստական գործակալություններ, տեղի ունեցավ Հայաստանի տաղավարի պաշտոնական բացման հանդիսավոր արարողությունը, որին ներկա էր ՀՀ դեսպան Վիգեն Չիտեչյանը։

Այնուհետև Ֆրանսիայում ՀՀ դեսպան Չիտչյանը ելույթ ունեցավ Տուրիզմի ավագ մասնագետների ֆրանսիական ընկերակցության (Association Française des Seniors du Tourisme) կոնֆերանսին: Դեսպանն իր խոսքում անդրադարձավ Հայաստանում զբոսաշրջության գրավիչ պայմաններին, ոլորտի դինամիկ ընդլայնմանը և դրա զարգացման հեռանկարներին, ինչպես նաև :

Միջոցառման ժամանակ պայմանավորվածություն ձեռք բերվեց Հայաստանի դեսպանի և Տուրիզմի ավագ մասնագետների ֆրանսիական ընկերակցության նախագահի միջև` 2014թ աշնանը կազմակերպել Տուրիզմի ավագ մասնագետների ֆրանսիական ընկերակցության ներկայացուցիչներից բաղկացած հատուկ խմբի այց Հայաստան:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր