Քրիստիան Տեր Ստեփանյանը ընտրվեց Ֆրանկոֆոնիայի միջազգային կազմակերպության Կենտրոնական և Արևելյան Եվրոպայի անդամ երկրների տարածաշրջանային ցանցի փոխնախագահ

20 սեպտեմբերի, 2013

Սեպտեմբերի 19-ից 20-ը Ֆրանկոֆոնիայի միջազգային կազմակերպության նախաձեռնությամբ Բուխարեստում տեղի ունեցավ կազմակերպության Կենտրոնական և Արևելյան Եվրոպայի տարածաշրջանի 6 անդամ երկրների (Ալբանիա, Հայաստան, Բուլղարիա, Մակեդոնիայի Նախկին Հարավսլավական Հանրապետություն, Մոլդովա և Ռումինիա) ազգային համակարգողների հանդիպումը, որին ներկա էին Ռումինիայի արտաքին գործերի նախարարության պետական քարտուղար Միհայլ Դոբրեն և Ֆրանկոֆոնիայի գլխավոր քարտուղարի կաբինետի ղեկավար Պյեր դե Կոկատրիքսը։

Հանդիպման արդյունքում որոշվեց ստեղծել Կենտրոնական և Արևելյան Եվրոպայի երկրների տարածաշրջանային ցանց, որի առաջնային նպատակներից է լինելու երկրների միջև տեղեկատվության և փորձի փոխանակման ապահովումը, ֆրանկոֆոնիայի հանդեպ տարածաշրջանի ակնկալիքների և ներդրումների ներկայացումը, ինչպես նաև ֆրանկոֆոնիայի զարգացմանը միտված նախաձեռնությունների խրախուսումը:

Հանդիպման մասնակիցների միաձայն որոշմամբ նորաստեղծ տարածաշրջանային ցանցի նախագահ և փոխնախագահ նշանակվեցին համապատասխանաբար Ֆրանկոֆոնիայի համար Ռումինիայի ազգային համակարգող Վիկտորիա Պոպեսկուն և Ֆրանկոֆոնիայի մշտական խորհրդում Հայաստանի ներկայացուցիչ Քրիստիան Տեր Ստեփանյանը :

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր