Ֆրանկոֆոնիայի մշտական խորհրդում ՀՀ ներկայացուցիչ Քրիստիան Տեր-Ստեփանյանը հանդիպեց ՖՄԿ գլխավոր քարտուղար Աբդու Դիուֆին:

12 սեպտեմբերի, 2013

Սեպտեմբերի 12-ին Փարիզում տեղակայված Ֆրանկոֆոնիայի միջազգային կազմակերպության կենտրոնակայանում Ֆրանկոֆոնիայի մշտական խորհրդում ՀՀ նորանշանակ ներկայացուցիչ, դեսպան Քրիստիան Տեր-Ստեփանյանն իր նշանակման հայտագիրը հանձնեց կազմակերպության գլխավոր քարտուղար Աբդու Դիուֆին:

Պարոն Դիուֆը, բարձր գնահատելով Հայաստանի ակտիվ ներգրավվածությունը Ֆրանկոֆոնիայի միջազգային կազմակերպության գործունեությանը, ողջունեց կազմակերպության հետ ՀՀ հարաբերությունների էլ առավել սերտացմանն ուղղված այս նշանակումը:

Հավատարմագրերի հանձմանը հաջորդած զրույցի ընթացքում դեսպան Տեր-Ստեփանյանը և ՖՄԿ գլխավոր քարտուղարը մտքեր փոխանակեցին Հայաստանի և ՖՄԿ հետագա ծրագրերի վերաբերյալ` գոհունակությամբ արձանագրելով Ֆրանկոֆոն երկրների ընտանիքի լիիրավ անդամ դառնալուն հաջորդած ՀՀ-ՖՄԿ հարաբերությունների զարգացումը: Կողմերը հատուկ ընդգծեցին Հայաստանի և ՖՄԿ միջև ստորագրված լեզվական ծրագրի իրականացումն ապահովելուն, ինչպես նաև Հայաստանյան բուհերի և Ֆրանկոֆոնիայի համալսարանական գործակալության միջև հաստատված հարաբերությունների սերտացմանն ուղղված քայլերի հաջողությունը և դրանք շարունակաբար ամրապնդելու կարևորությունը:

Զրույցի ընթացքում անդրադարձ եղավ նաև Ֆրանսիայի Նիս քաղաքում այս պահին ընթացող Ֆրանկոֆոնիայի խաղերին Հայաստանի պատվիրակության մասնակցությունն ու արդեն արձանագրած հաջողությունները :

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր