Հայաստանի պատվիրակությունը մասնակցում է Նիսում Ֆրանկոֆոնիայի 7-րդ խաղերը:

07 սեպտեմբերի, 2013

Ս.թ. սեպտեմբերի 7-ին ՀՀ սպորտի և երիտասարդության հարցերի նախարար Յուրի Վարդանյանի գլխավորած պատվիրակությունը մասնակցեց Ֆրանկոֆոնիայի 7-րդ խաղերի բացման պաշտոնական արարողությանը: Հանդիսությունը իրենց ներկայությամբ պատվեցին Ֆրանսիայի նախագահ Ֆրանսուա Օլանդը, Լիբանանի, Կոտ դ'Իվուարի, Սենեգալի նախագահները, ինչպես նաև 29 կառավարությունների ղեկավարներ և նախարարներ:

Բեյրութում անցկացված ֆրանկոֆոնիայի 6-րդ խաղերից հետո առաջին անգամ Հայաստանը մասնակցում է այս միջոցառմանը` իբրև Ֆրանկոֆոնիայի միջազգային կազմակերպության լիիրավ անդամ:

Հայաստանը Նիս է գործուղել ներկայանալի մի պատվիրակություն` բաղկացած սպորտի և մշակույթի բնագավառի ավելի քան 30 ներկայացուցիչներից:

Սպորտային և մշակութային ուղղվածություն ունեցող այս միջոցառումներին մասնակցում են աշխարհի 5 մայրցամաքների 54 երկրների պատվիրակներ, 2500 մասնակիցներ, որին հետևում են 200.000 հանդիսատես և 50 միլիոն հեռուստադիտող ամբողջ աշխարհում:

Միջոցառումների շրջանակներում ՀՀ սպորտի և երիտասարդության հարցերի նախարար Յուրի Վարդանյանը հանդիպումներ ունեցավ Ֆրանսիայի ֆրանկոֆոնիայի հարցերով լիազոր նախարար տիկին Յամինա Բենգիգիի ու սպորտի և երիտասարդության հարցերով նախարար տիկին Վալերի Ֆուրներոնի հետ:

Վալերի Ֆուրներոնի հետ հանդիպման ընթացքում երկուստեք պատրաստակամություն է հայտնվել երկու երկրների միջև սպորտի և երիտասարդության հարցերի բնագավառում համագործակցություն զարգացնելու:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր