Պայմանավորվածություններ Ռոքբրյուն-սյուր-Արժանս միջնադարյան քաղաքի հետ:

07 հունիսի, 2013

Ֆրանսիայի ամենագեղեցիկ քաղաքներից մեկը համարվող Ռոքբրյուն-սյուր-Արժանսի քաղաքապետարանի որոշմամբ Հայաստանի անկախության օրը` առաջիկա սեպտեմբերի 21-ին խաչքար է տեղադրվելու քաղաքի կենտրոնական հրապարակում։

Այդ կապակցությամբ հունիսի 7-ին Ռոքբրյուն-սյուր-Արժանսի քաղաքապետարանում տեղի ունեցավ հիշյալ միջոցառմանը նվիրված նախապատրաստական ժողով, որին մասնակցում էր Ֆրանսիայում ՀՀ դեսպանորդ Վահագն Աթաբեկյանը։

Ժողովի ընթացքում որոշվեց, որ խաչքարը կտեղադրվի քաղաքի միջնաբերդին հարող ձիթենյաց այգում, որն այդ առիթով կվերանվանվի Հայր Կոմիտասի անունով։
Քաղաքապետարանը նաեւ պատրաստակամություն հայտնեց ապակենտրոնացված համագործակցություն հաստատել Հայաստանի որեւէ միջնադարյան քաղաքի կամ գյուղի հետ։

Ռոքբրյուն-սյուր-Արժանսն ինքը միջնադարյան դիմագծերը լավագույնս պահպանած մի քաղաք է, ուր գործնականում չկա հայ համայնք, եւ որն ընդունում է տարեկան հարյուր հազարավոր զբոսաշրջիկներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր