«Անուշի» նոր բեմականացման պրեմիերան Փարիզում

27 մայիսի, 2013

Մայիսի 22-ին Նանտեր-Ամանդիե թատրոնում կայացավ «Անուշ» օպերայի նոր բեմականացման ֆրանսիական պրեմիերան, որին ներկա գտնվեցին Ֆրանսիայում Հայաստանի դեսպան Վիգեն Չիտեչյանը եւ Օ-դը-Սեն շրջանի խորհդրի նախագահ Պատրիկ Դեվեջյանը:

Լեփ լեցուն դահլիճում ներկա հանդիսատեսի տևական ծափողջյունների արժանացած ներկայացման ավարտին տեղի ունեցավ ընդունելություն, որի ընթացքում դեսպան Չիտեչյանը ողջունեց «Անուշի» բեմադրիչ Սերժ Ավետիքյանին և ստեղծագործական խմբին, իսկ միջոցառմանը ներկա հարյուրավոր ֆրանսիացի արվեստասերներ վերջիններիս իրենց գովեստի խոսքերը հղեցին հաջողված բեմականացման համար:

«Անուշ» օպերայի նոր բեմականացումը ներկայացվեց նաև մայիսի 23-ին, 25-ին և 26-ին և արժանացավ ֆրանսիացի հանդիսատեսի բարձր գնահատանքին` ևս մեկ անգամ փաստելով Թումանյանի և Տիգրանյանի ստեղծագործությունների համամարդկային բնույթը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր