Ֆրանսիայում Հայաստանի դեսպան Վիգեն Չիտեչյանի այցը Գրենոբլ

26 մայիսի, 2013

Մայիսի 25-ից 26-ը տեղի ունեցավ Ֆրանսիայում Հայաստանի դեսպան Վիգեն Չիտեչյանի այցելությունը Գրենոբլ։

Այցի շրջանակներում Հայաստանի դեսպանը հանդիպում ունեցավ Գրենոբլի քաղաքապետ, Ֆրանսիայի ԱԺ պատգամավոր Միշել Դեստոյի հետ: Հանդիպման ընթացքում ՀՀ դեսպանը Գրենոբլի քաղաքապետի հետ քննարկեց հայ-ֆրանսիական ապակենտրոնացված համագործակցության ընթացքը և Գրենոբլի մասնակցությունը դրա շրջանականերում իրականացվող ծրագրերին:

Այնուհետև դեսպան Չիտեչյանը քաղաքապետ Դեստոն միասին ներկա գտնվեցին տեղի Հայ Մշակույթի Տան 30-ամյակին նվիրված երեկույթին, որին ներկա էին ֆրանսիացի սենատորներ, պատգամավորներ, տեղական ինքնակառավարման մարմինների ղեկավարներ, հայ համայնքի հարյուրավոր ներկայացուցիչներ։

Մայիսի 26-ին տեղի ունեցավ Հայոց Ցեղասպանության զոհերի հիշատակը հավերժացնող հուշակոթողին ծաղկեպսակի զետեղման հանդիսավոր արարողություն, որից հետո դեսպան Չիտեչյանը ներկա գտնվեց տեղի հայ առաքելական եկեղեցու պատարգին։

Այցն ամփոփվեց Գրենոբլի ֆրանսահայ կառույցների ղեկավարների հետ հանդիպումով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր