Հանրապետության տոնին նվիրված միջոցառումներ Ֆրանսիայում:

25 մայիսի, 2013

Մայիսի 25-ին Ալֆորվիլի կենտրոնական սրահում տեղի ունեցավ Հանրապետության տոնին նվիրված տոնական ընթրիք` շուրջ հազար հոգու մասնակցությամբ։ Միջոցառմանը, որը նախաձեռնվել էր ֆրանսահայ համայնքի և, մասնավորաբար, Ֆրանսիայի ՀՅԴ շրջանակաների հետ համատեղ, ներկա էին նաև տեղի քաղաքապետ, Ֆրանսիայի Սենատի անդամ Լյուկ Կարվունասը, Ալֆորվիլի պատվո քաղաքապետ, Ֆրանսիայի ԱԺ պատգամավոր, Ֆրանսիայի խորհրդարանում Հայաստանի հետ բարեկամության խմբի նախագահ Ռենե Ռուքեն, ինչպես նաև Ֆրանսիայում Հայաստանի դեսպանորդ Վահագն Աթաբեկյանը։

Նույն օրը Իսի լե Մուլինո քաղաքում «Ֆրանսահայ Երիտասարդներ» կազմակերպության (JAF) նախաձեռնությամբ կայացավ հայկական մշակույթի երեկո, որին ներկա էր քաղաքապետ, Ֆրանսիայի ԱԺ պատգամավոր Անդրե Սանտինին, ինչպես նաեւ ՅՈՒՆԵՍԿՕ-ում Հայաստանի մշտական ներկայացուցչի տեղակալ Վահե Վահրամյանը։ Երեկոյի ընթացքում «Անի» պարային համույթը ներկայացրեց «Կենաց շարժումներ. Հայկական պար» պարային ներկայացումը` նվիրված հայ պարարվեստի մեծ վարպետներ Վանուշ Խանամիրյանի և Ազատ Ղարիբյանի հիշատակին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր