Հայկական և ֆրանսիական մասնագիտացված ուսումնական հաստատությունների ղեկավարների հանդիպում Փարիզում

24 մայիսի, 2013

Մայիսի 24-ին Ֆրանսիայում Հայաստանի դեսպանությունում ՀՀ Անվտանգության խորհրդի քարտուղար, Հայաստանում Ֆրանսիական Համալսարանի, Եվրոպական Տարածաշրջանային Ակադեմիայի և Ֆրանսիական Լիցեի հոգաբարձունների խորհրդի նախագահ Արթուր Բաղդասարյանի գլխավորած պատվիրակությունը հանդիպեց Ֆրանսիայում և Եվրոպայում մեծ հեղինակություն վայելող ինժիներական բարձրագույն և միջին մասնագիտական կրթական հաստատությունների ղեկավարների և ճարտարապետաշինարարության ոլորտի խոշորագույն կազմակերպությունների ներկայացուցիչների հետ: Մասնավորապես հանդիպմանը մասնակցում Էին ENTPE-ի (Հանրային աշխատանքների պետական ազգային ինստիտուտ), ECL-ի (Լիոնի կենտրոնական համալսարան), HEI-ի (Ինժիներական բարձրագույն ինստիտուտ), EBTP-ի (Քաղաքացիական շինարարության ավագ դպրոց) տնօրենները:

Ֆրանսիայում ՀՀ դեսպան Վիգեն Չիտեչյանի ներկայությամբ կայացած հանդիպման ընթացքում կողմերը քննարկեցին Հայստանում ինժիներական կրթությանը զարկ տալու և արդյունաբերության և շինարարության ոլորտներում Ֆրանսիական փորձի ներդրման հեռանկարներին առնչվող հարցեր: Արթուր Բաղդասարյանն իր խոսքում խիստ կարևորելով Հայաստանում այս ոլորտի ռազմավարական նշանակությունը` իր աջակցությունը հայտնեց ASIFA-BTP-ի (Քաղաքացիական շինարարության ֆրանս-հայկական ինստիտուտի ստեղծման ու կայունության աջակցության ասոցիացիա) կողմից նախագծված ` Հայաստանում Ֆրանսիական Ինժիներական Ինստիտուտի ստեղծման ծրագրին:

Հանդիպման ավարտին ֆրանսիական և հայկական մի շարք հաստատությունների ղեկավարներ ստորագրեցին փոխըմբռնման հուշագիր, որով հաստատեցին իրենց ցանկությունը աջակցել Ինստիտուտի ստեղծմանը, կայացմանը և միջազգային ճանաչմանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր