Հայոց Ցեղասպանության զոհերի հիշատակին նվիրված միջոցառում Մեդոն քաղաքում

28 ապրիլի, 2013

Ապրիլի 27-ին Ֆրանսիայում Հայաստանի դեսպան Վիգեն Չիտեչյանը մասնակցեց Փարիզի մերձակա Մեդոն քաղաքում Հայոց Ցեղասպանության 98-րդ տարելիցին նվիրված միջոցառմանը:

Մեդոն քաղաքի կողմից կազմակերպված միջոցառմանը ներկա գտնվեցին Իլ դը Ֆրանս շրջանի պատգամավորներ, սենատորներ, քաղաքային իշխանությունների ներկայացուցիչներ, Մեդոնի բազմաթիվ բնակիչներ: Ներկաների կողմից Մեդոնի հայկական հուշակոթողի առջև զետեղվեցին ծաղկեպսակներ, հնչեցին Հայաստանի և Ֆրանսիայի օրհներգները:

Ֆրանսիայի ԱԺ պատգամավոր, քաղաքապետ Էրվե Մարսելն իր ելույթում նշեց, որ անհամբեր սպասում է Ֆրանսիայի կառավարության կողմից Հայոց Ցեղասպանության ժխտումը քրեականացնող օրինագծի ներառմանը ԱԺ օրակարգում և վերահաստատեց իր հանձնառությունն ուղղված Ֆրանսիայի ծագումով հայ քաղաքացիների հիշողության պաշտպանությանը: Այնուհետև շնորհակալական եզրափակիչ խոսքով հանդես եկավ դեսպան Չիտեչյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր