Հայոց Ցեղասպանության 98-րդ տարելիցին նվիրված միջոցառումները շարունակվում են Ֆրանսիայի քաղաքներում

26 ապրիլի, 2013

Ֆրանսիայի քաղաքներում տեղական իշխանությունների և ֆրանսահայ կազմակերպությունների նախաձեռնությամբ անցկացվում են բազմաթիվ միջոցառումներ` նվիրված Հայոց Ցեղասպանության զոհերի հիշատակին:

Ապրիլի 24-ին Լիոնում անցկացվեց հիշատակի քայլերթ դեպի Ցեղասպանության հուշահամալիր, որն ավարտվեց քաղաքի հրապարակում տեղի ունեցած հավաքով: Հավաքի ընթացքում ելույթ ունեցավ Լիոնի քաղաքապետ, սենատոր Ժերար Կոլոնը, ինչպես նաև Ռոն-Ալպի շրջանային խորհրդի և Ռոնի ընդհանուր խորհրդի ներկայացուցիչները:

Ռենսի քաղաքի Հայկական խաչմերուկում տեղի ունեցավ քաղաքապետ Էրիկ Ռաուլի մասնակցությամբ հավաք, որին մասնակցեցին քաղաքային իշխանության, հայկական կառույցների անդամներ և բազմաթիվ ֆրանսահայ ընտանիքներ:

Բիարից քաղաքի Նահատակների հուշարձանի մատույցներում քաղաքապետ Դիդյե Բորոտրայի մասնակցությամբ տեղի ունեցավ հիշատակի միջոցառում, որի ընթացքում զետեղվեցին ծաղկեպսակներ և ելությներ հնչեցին քաղաքային իշխանությունների և ֆրանսահայ կառույցների ներկայացուցիչների կողմից:

Հայոց Ցեղասպանության զոհերի հիշատակին նվիրված միջոցառումներ են տեղի ունեցել նաև Վալանս, Նիս, Թուլուզ, Գրենոբլ, Տուլոն, Մոնպելիե, Սեն-Ռաֆաել, Ավինյան, Արլ, Լե Պեն Միրաբո, Վո-ան-Վելեն, Լա Սիոտա, Գարդան, Շարվիյո, Սենտ-Էթիեն, Դրագինյան, Բուկ Բել Էր, Սեն-Շամոն, Էքս-ան-Պրովանս, Ռոման քաղաքներում, որոնց մասնակցել են ֆրանսիացի պետական այրեր, տեղական ինքնակառավարման մարմինների ղեկավարներ և ծագումով հայ բազմաթիվ ֆրանսիացիներ:

Ապրիլի 25-ին և 26-ին հիշատակի միջոցառումները շարունակվել են Անյեր-սյուր-Սեն, Շարանտոն, Լիվրի-Գարգան, Տրե քաղաքներում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր