Ֆրանսիայում ԵԿՄ եւ Ֆրանսահայ նախկին ռազմիկների միության համատեղ միջոցառում` նվիրված Արցախի ազգային-ազատագրական շարժման 25-ամյակին

27 մարտի, 2013

Մարտի 27-ին Ֆրանսիայում Հայաստանի դեսպանությունում` Երկրապահ Կամավորականների Միություն նախագահ Մանվել Գրիգորյանի պատվավոր ներկայությամբ տեղի ունեցավ ԵԿՄ և Ֆրանսահայ Նախկին Ռազմիկների Միության (ANACRA) համատեղ միջոցառումը` նվիրված Արցախի ազգային-ազատագրական շարժման 25-ամյակին:

Ներկաներին իր ողջույնի խոսքը հղեց Ֆրանսիայում ՀՀ դեսպան Վիգեն Չիտեչյանը` կարևորելով ֆրանսահայերի մեծ ներդրումը Արցախյան շարժման մեջ և շնորհավորելով երկու միությունների ղեկավարներին համագործակցության հիմքերը դնելու կապակցությամբ: Հայաստանյայց Առաքելական Եկեղեցու Ֆրանսիայի թեմի առաջնորդ Սրբազան Նորվան արքեպիսկոպոս Զաքարյանի օրհնության խոսքից հետո ելույթներով հանդես եկան ԵԿՄ և Ֆրանսահայ Նախկին Ռազմիկների Միության ներկայացուցիչները:

Այնուհետև կայացավ ԵԿՄ մեդալների և պատվոգրերի շնորհման արարողությունը, որի ընթացքում պարգևատրվեցին Ֆրանսիայում ՀՀ դեսպանը, Ֆրանսիայի Թեմակալ առաջնորդը, Արցախի ազատագրմանը մասնակցած ԵԿՄ անդամներ, ֆրանսահայ բժիշկներ, լրագրողներ և շարժման տարիներին Արցախի ժողովրդին իրենց աջակցությունը ցուցաբերած այլ անհատներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր